Góð mæting var á kynningarfund um Verk og vit sem haldinn var í Laugardalshöllinni þriðjudaginn 30. október síðastliðinn. Fulltrúar um 40 fyrirtækja mættu á fundinn til þess að fræðast um Verk og vit 2008.

Stórsýningunni Verki og viti 2006, sem haldin var 16. til 19. mars í Laugardalshöllinni, lauk sl. sunnudag. Mjög góð aðsókn var að sýningunni alla sýningardagana og voru gestir tæplega sautján þúsund.

Áður en stórsýningin Verk og vit 2006 var opnuð formlega sl. fimmtudag, 16. mars, í Laugardalshöllinni voru haldnar tvær ráðstefnur, önnur um fasteignamarkaðinn og hin um útboðsmál. Fjölmenni var á báðum ráðstefnunum.

Stórsýningunni Verki og viti 2006, sem haldin var 16.-19. mars er lokið. Aðsókn á sýninguna var mjög góð alla sýningardagana en tæplega sautján þúsund gestir sóttu hana.

Stöðugur straumur fólks hefur lagt leið sína í Laugardalshöllina í dag, laugardag, til þess að skoða stórsýninguna Verk og vit. Margir hafa komið að máli við skipuleggjendur og hrósað sýningunni sem hinni glæsilegustu sem þeir hafi sótt.

Sýningarbás fyrirtækisins Smellinn hf. á Akranesi var valinn athyglisverðasti básinn á stórsýningunni Verk og vit sem fram fer í Laugardalshöll nú um helgina. Smellinn reisti lítið hús úr forsteyptum einingum á sýningarsvæðinu sem þykir endurspegla sérlega vel framleiðslu og vöruframboð fyrirtækisins.

Aldrei hafa fleiri byggingar verið jafnaðar við jörðu í Reykjavík en árið 2005. Niðurrif bygginga í borginni hefur aukist jafnt og þétt frá 2001. Byggingaúrgangur og uppgröftur er meiri en allt almennt sorp í Reykjavík. Þetta kemur fram í erindi sem Erpur Snær Hansen hjá Mengunarvörnum Reykjavíkur flytur á ráðstefnunni Verk og vit á morgun, laugardag.

Stórsýningin Verk og vit 2006 var opnuð af Valgerði Sverrisdóttur, iðnaðar- og viðskiptaráðherra, við hátíðlega athöfn í nýju íþrótta- og sýningahöllinni í Laugardal í gær, fimmtudag. Ráðherra sagði að við lifðum á mesta framfaraskeiði í sögu þjóðarinnar þar sem gríðarlegar fjárfestingar ættu sér stað við uppbyggingu á öllum sviðum.

Báðum ráðstefnunum sem haldnar eru í dag er lokið. Hvert sæti var skipað og gerðu fundarmenn góðan róm að máli ræðumanna.

Mikill áhugi er fyrir þeim ráðstefnum og kynningum sem í boði verða á Verki og viti 2006. Til marks um það er uppselt á ráðstefnu Samtaka iðnaðarins, Heilbrigður útboðsmarkaður? og ráðstefnu um þróun fasteignamarkaðarins og rekstur fasteigna.

Viðurkenningar fyrir athyglisverðustu sýningarbásana á sýningunni Verk og vit 2006 verða afhentar í sýningarbás AP almannatengsla, A1, á föstudag kl. 18:00. Veittar verða viðurkenningar fyrir 1., 2. og 3. sæti.

Það styttist í að stóra stundin renni upp - opnun Verks og vits 2006 fimmtudaginn 16. mars. Mikið er um að vera í Laugardalshöllinni þessa dagana þar sem iðnaðarmenn og fjöldi annarra leggja nótt við dag við undirbúning sýningarinnar.

AP almannatengsl hafa gefið út sérblað í tengslum við stórsýninguna Verk og vit 2006. Blaðið, sem er hið veglegasta, er 76 blaðsíður að stærð. Upplag blaðsins er 30.000 eintök og hefur þegar verið dreift til um 4.000 manna markhóps. Sýningargestir geta nálgast blaðið á sýningunni.

Stórsýningin Verk og vit 2006 verður haldin 16. til 19. mars í nýju íþrótta- og sýningahöllinni í Laugardal. Á sýningunni munu um 120 fyrirtæki í byggingariðnaði og mannvirkjagerð, sveitarfélög, hönnuðir og ráðgjafar kynna starfsemi sína.

Samtök iðnaðarins (SI) efna til ráðstefnu um útboðsmál við verklegar framkvæmdir fimmtudaginn 16. mars frá kl. 14:00 til 16:30 á Verk og vit 2006. Framsögumenn koma víða að en m.a. verður fjallað um lausn ágreiningsmála, ábyrgðir í mannvirkjagerð, útboðsskilmála, útboðsgögn og viðhorf eftirlitsaðila.

Ráðstefna um þróun fasteignamarkaðarins og rekstur fasteigna verður haldin í Nýju íþrótta- og sýningahöllinni í Laugardal fimmtudaginn 16. mars. Ráðstefnan er haldin í tengslum við stórsýninguna Verk og vit 2006 sem verður í Laugardalshöll dagana 16.-19. mars.

Námstefnan „Árangursríkari vörusýningar" var haldin fyrir alla sýnendur í boði Verks og vits 2006 mánudaginn 6. febrúar sl. Á námstefnunni var farið ofan í saumana á því hvernig best sé staðið að framkvæmd vörusýninga þannig að sem mestur árangur náist.

Skráðir þátttakendur á Verk og vit 2006 eru orðnir um eitt hundrað talsins. Er um fjölbreyttan hóp sýnenda að ræða, bæði innlenda og erlenda. Aðeins er fimmtán prósent sýningarrýmisins óráðstafað en gólfflötur hinnar nýju Laugardalshallar er um 5.000 fermetrar.

Skipulagsfundur vegna sýningarinnar Verk og vit 2006 verður haldinn í Laugardalshöllinni, fundarsal 2. hæð, mánudaginn 23. janúar nk. kl. 8:30 fyrir skráða sýnendur. Markmið fundarins er að miðla upplýsingum til ykkar um stöðu mála og hvað er framundan, uppsetningu sýningarkerfa með eða án skilrúma, ýmsar hagnýtar upplýsingar um tæknimál, raf- og nettengingar, tímasetningar o.fl.

Eftirspurn hefur verið mikil eftir sýningarplássi á Verk og vit 2006. Þegar jólahátíðin gekk í garð höfðu tæp 80% sýningarrýmis verið seld. Aðstandendur sýningarinnar eru að vonum ánægðir með þá athygli sem hin væntanlega sýning hefur hlotið.

AP sýningar héldu vel heppnaðan kynningarfund um Verk og vit 2006 í Laugardalshöllinni í dag, þriðjudaginn 6. desember, og var þátttaka mjög góð. Viðbrögð létu heldur ekki á sér standa og fjölgaði enn í hópi sýnenda.

Kynningarfundur um stórsýninguna Verk og vit 2006 verður haldinn í nýbyggingu Laugardalshallarinnar nk. þriðjudag, 6. desember, kl. 8:15.

Uppgangur hefur verið mikill í byggingastarfsemi og mannvirkjagerð síðustu ár. Heildarvelta í fyrrnefndum geira hefur, skv. frétt í Viðskiptablaðinu 9. nóvember sl., vaxið úr rúmum 74,4 milljörðum króna árið 2002 í 116,4 milljarða árið 2004.

Mikill áhugi er á sýningunni Verk og vit 2006 og hefur sala á sýningarrými gengið afar vel. Nú, fimm mánuðum fyrir opnun sýningarinnar, er þegar búið að bóka um 50% af sýningarrýminu. Til að bregðast við mikilli eftirspurn hefur sýningarsvæðið verið stækkað.

AP sýningar taka þátt í sýningunni Dagur byggingariðnaðarins í Hafnarfirði, sem haldin verður nk. laugardag, 15. október, kl. 10-18. AP sýningar munu kynna stórsýninguna Verk og vit 2006 og verða með aðstöðu í bás númer 5.

Stórsýningin Verk og vit 2006 verður haldin í nýju Íþrótta- og sýningahöllinni í Laugardal dagana 16.-19. mars 2006. Á sýningunni verður megináhersla lögð á fagmennsku, aukna þekkingu og tækninýjungar í byggingariðnaði og mannvirkjagerð. Íslenskur byggingariðnaður hefur verið í nær stöðugum vexti frá árinu 1998.

AP sýningar bjóða félagsmönnum Samtaka iðnaðarins á opinn kynningarfund um Verk og vit 2006 kl. 8:15 árdegis fimmtudaginn 6. október nk. Fundarstaður er Hús atvinnulífsins, Borgartúni 35, 6. hæð.