Markmið ráðstefnunnar er að varpa ljósi á þróun fasteignamarkaðarins, rekstur fasteigna, ólík eignarform og fjármögnun svo eitthvað sé nefnt. Leitast verður við að svara m.a. eftirtöldum spurningum: Er hagstæðara að einkafyrirtæki eða fasteignafélög eigi og reki fasteignir? Getur hinn frjálsi markaður gert betur en opinberir aðilar? Á ráðstefnunni verður leitast við að fá fram mismunandi skoðanir og sjónarmið. Skoðað verður ennfremur hvernig nágrannalönd okkar haga slíkum málum.